Evangelium Secundum Marcum*
Caput 14: Versus 27
In nocte ista. Qui ebrii sunt, nocte ebrii sunt[I Thess. 5.], et qui scandalizantur, nocte scandalizantur, id est, mente obscurati.[HIER.]Omnes cadunt, sed non omnes jacent.Nunquid quia dormit non adjiciet ut resurgat?[Zach. 13.]Carnale est cadere: diabolicum est jacere.Percutiam pastorem.Percute pastorem. Propheta postulat passionem Domini: Pater respondet:Percutiam pastorem.Precibus sanctorum Filius a Patre mittitur: id est, incarnatur et percutitur, et patitur: disperguntur oves pastore capto. Resurrectio promittitur ut spes non exstinguatur.